GENSAN – Hinay pa sa pagkakaron ang baligya sa mga lingin nga prutas sa Central Public Market sa dakbayan sa Gensan, tulo ka adlaw sa dili pa ang pagsugat sa Bag-ong Tuig.
Sumala sa mga nakaistorya nga mga tindera sa Bombo Radyo Gensan, wala pay pagtaas sa presyo sa mga prutas sa pagkakaron, apan pipila pa lamang ang gapamalit ning adlawa.
Kon aduna man , magdepende gihapon kini sa ilang kumpra gikan sa mga supplier.
Gilauman nga sa bisperas pa sa New Year nga daghan ang mupalit apan kasagaran patingi-tingi pa kumpara sa pagpalit og mga naka-bundle nga lingin nga mga prutas.
Ang mga kasagaran nga lingin nga prutas nga ginapalit mao ang mansanas, grapes, singkamas, orange, mangga, chico, melon, mangoestene, lansones, rambutan, pomelo, pakwan og buongon.
