GENERAL SANTOS CITY | Gikumpirma sa administrador sa Antonio Acharon sports complex nga dilapidated na ang grandstand ug uban nga pasilidad sa nag-inusara nga sports faciltiy sa syudad. Kini human gibisita sa Bombo News Team ang lugar human nahimamat si Dax Meneses ang tigdumala sa sports facility.
Giangkon ni Meneses nga guba na ang mga pasildiad ug nagkinahanglan na nga nga magtagana ug pondo aron ayuhon aron magamit subli sa publiko. Sa nahisgutang lugar makita kaniadto si Manny Pacquiao alang sa iyang pagpangandam kung adunay away.
Lakip gikumpirma sa nahisgutan nga wala nay tubig ang swimming pool tungod may liki ang ilawom nga bahin nga kinahanglan usab nga ayuhon.
Una ng gibutyag ni Vice Mayor Rosalita Nuñez nga ang maong pasilidad ang napatukod panahon pa ni Pangulo Corazon Aquino apan gipaayo sa panahon na ni Presidente Fidel Valdez Ramos. Matud ni Nuñez nga napaanindot ang tibuok sports facility tungod nag host sa unang higayon ang General Santos City.
Nasuta nga gitubu-an na ug mga sagbot ang rubberized track timaan nga dugay na kining wala maatiman.
