GENSAN – Malampusong napahigayon ang grand opening sa Paskohan sa GenSan 2025 kagahapon, Disyembre 10, 2025, sa city center sa Pioneer Avenue, nga naghatag ug makulay ug makalingaw nga pagsugod sa selebrasyon sa kapaskuhan.
Libu-libo ka mga Generals ang nitambong aron masaksihan ang nindot nga grand fireworks ug pyro musical display, samtang napuno sa kalingawan ang lugar uban sa makalingaw nga float parade gikan sa nagkalain-laing barangay ug mga corporation, ug makapahimuot nga performances sa mga kabatan-onan sa syudad nga nagpakita sa ilang talento ug kadasig.
Ang kalihokan usa ka dakong oportunidad alang sa mga residente ug bisita sa syudad nga makatagamtam sa kahayag, musika, ug kalipay samtang naghinumdum sa espiritu sa Pasko, nga nagbilin ug dili makalimtang handumanan sa tanan nga nanan-aw.
