SARANGANI PROVINCE – Nakumpiska sa mga personahe sa Glan Municipal Police Station atol sa gipahigayon nga operasyon sa Datu Wata Street, Colony 9, Barangay Poblacion, Glan, Sarangani Province ang gibanabanaan nga nagkantidad sa P50,000 sa gikaingon nga smuggled sigarilyo.
Nasikop nga si alyas Danny, 56-anyos nga residente sa nasampit nga lugar kung asa nakuha sa iyahang posisyon ang 80 ka mga reams sa Baru, lima ka mga reams sa Fort, 20 ka mga reams sa Duo, upat ka mga reams sa New Orleans, upat reams sa King Phillip ug duha ka mga reams sa Bosqu.
Sa kasamtangan gi-andam na sa Glan MPS ang tukmang kaso batok sa nahigsutang dinakpan samtang takda man usab ang i-turn-over sa kapulisan ngadto sa Bureau of Customs dinhi sa dakbayan sa GenSan ang nasampit nga kontrabando.
