GENERAL SANTOS CITY – Gikabalak-an nga 2,000 ka mga tawo ang natabunan sa yuta sa lapad nga landslide nga natigayon sa Papua New Guinea, sumala sa National Disaster Centre samtang gihinumdum sa nga survivor ang mga nangamatay nilang mga kabanay.
Nahitabo ang pagkahugno sa yuta sa kabukirang bahin sa Enga region sa Norte nga bahin sa Papua New Guinea adlaw nga byernes. Ang labing ulahi nga ihap ang pagbanabana sa mga residente sa lugar.
Gani ang mga residente misulay pag-ukab sa mga dagkong bato ug pagkotkjot sa yuta nga mitabon sa mga kabalayan samtang kadaghanan ang nangatulog.
Nagdali usab ang mga rescuer aron makaabut sa kinatumyan nga bahin sa nausd nga gikonsidera nga labing kabus nga nasud .
Gipaambit sa nagpangalan ug Evit Kambu usa ka residente nga mukapin usa ka dosena nga sakop sa ilang pamilya ang natabunan sa yuta samtang uban nga residente ang dili makaihap sa namatay nga kabanay.
Una nga gibutyag sa United Nations nga mukapin sa 100 ang namatay apan kalit na lamang misaka sa 670 ang ihap sa namatay human nagpagawas ug pahayag ang Chief of Mission for the International Organization for Migration (IOM) sa nasud.
Gibutyag usab sa Papua New Guinea’s disaster agency nga walay ensakto nga data kung pila gayud ang natabunan sa pagkahugno sa yuta tungod padayon pa nga gakuha ug data.
