Opisyal nga moduwa ang Gilas Pilipinas sa FIBA Asia Cup 2025 nga ipahigayon sa Saudi Arabia sa buwan sa Agosto sunod tuig
Kini human gipildi sa New Zealand ang Chinese Taipei, 81-64 sa home court sa New Zealand.
Human sa kapildihan sa Taiwan, segurado na ang luna sa Pilipinas sa Top Two sa Group B nga maoy gikinahanglan aron makaabot sa torneyo sa buwan sa Agosto.
Ang Gilas adunay upat ka daog ug wala’y pilde sa ilang pagpukan sa Hong Kong, 93-54 karong semanaha sa Mall of Asia Arena.
Nakasulod usab ang New Zealand Tall Blacks dihang ilang gipildi ang Chinese Taipei ug nakakuha og rekord nga 3-1
Sa sunod tuig nga torneyo, ang Gilas gusto nga molambo sa ilang ikasiyam nga pwesto sa FIBA Aisa Cup sa Jakarta sa 2022.
Suwayan sa Gilas Pilipinas nga agawon ang korona gikan sa Australia, ang defending Asia Cup champion.
Apil usab sa FIBA Asia Cup mao ang Japan ug Saudi Arabia isip host country.
