-- ADVERTISEMENT --
Nagpaklaro si Orly Sabelita, chairman sa General Santos City Federation of Transport Cooperatives, kung unsa ang Service Contracting Program sa gobyerno. Sumala niini, kini usa ka sistema diin ang mga public utility vehicles adunay subsidiya gikan sa national government base sa ilang aktuwal nga biyahe.
Dugang pa ni Sabelita, nga ang gobyerno magabayad og mga P40 kada kilometro nga mabyahe sa usa ka unit. Apan adunay gitakdang maximum nga 100 kilometro lamang kada adlaw matag unit ang sakop sa bayad sa programa.
Busa, giingon niya nga dako kini og tabang sa mga transport cooperatives ug tsuper ilabi na karon nga padayon pa ang pagsaka sa presyo sa krudo ug dili pa sigurado ang kalig-on sa gasto sa operasyon.
