Usa ka dakong kalampusan ang nakab-ot sa kababayang boksingero sa General Santos City nga si Sem Japet Enano human niya gipakita ang iyang abilidad sa boksing sa Brisbane, Australia.
Napahunong ni Enano sa ika-7 nga round ang kanhi IBF Pan Pacific Super Bantamweight Champion nga si Tyler Blizzard, pinaagi sa iyang kusog, disiplina, ug determinasyon sulod sa ring.
Gipakita sa atletang Heneral ang kalidad sa usa ka tinuod nga mandirigma ug gipanghambog ang talento sa mga boksingero gikan sa General Santos City ngadto sa internasyonal nga entablado.
Ang maong kadaugan dili lamang usa ka personal nga kalampusan ni Enano, kondili usa usab ka inspirasyon sa mga kabatan-onan nga nagtinguha nga makab-ot ang ilang mga damgo pinaagi sa paningkamot ug dedikasyon.
Gipahayag usab nga padayon nga gisuportahan sa siyudad sa General Santos si Enano samtang iyang gipadayon ang pagdala sa ngalan sa lungsod ug sa Pilipinas sa kalibutanon nga kompetisyon.
