Naa na sa rehabilitation phase ang dakbayan sa General Santos human sa kusog nga magnitude 7.8 nga linog nga miigo sa lugar niadtong Hunyo 8, 2026.
Matud ni Gensan Vice Mayor Atty. Edmar Yumang, nagpadayon ang ilang mga lakang aron masiguro nga mas andam ang dakbayan sa pag-atubang sa susamang kalamidad sa umaabot.
Gipahayag ni Yumang nga adunay ginasugyot nga ordinansa ang lokal nga panggobyerno nga dili lamang motubag sa epekto sa linog niadtong Hunyo 8, kondili mahimong giya usab sa mga sunod nga posibleng kalamidad.
Matud niya, importante nga adunay klaro nga polisiya kung unsay angay buhaton sa panahon sa emerhensya aron maprotektahan ang kinabuhi sa mga residente ug mapaspas ang pagresponde sa mga ahensya sa gobyerno.
Gipasiugda usab niya nga ang kasinatian sa dakbayan human sa maong linog mahimong basehan sa paghimo og mas lig-on nga disaster preparedness ug response plan sa General Santos.
