GENSAN – Ginamonitor sa lokal nga panggamhanan sa Dakbayan sa Heneral Santos ang pagsunod sa mga gasoline station sa gipatuman nga rollback sa presyo sa gasolina.
Sumala sa LGU, regular nga gihimo ang inspeksyon sa nagkadaiyang gasolinahan sa syudad aron masiguro nga nasunod ang direktiba sa Department of Energy (DOE) human sa pagkunhod sa presyo sa lana sa world market.
Base sa monitoring, kadaghanan sa mga gasoline station sa dakbayan ang mituman sa rollback. Aduna usab pipila ka establisemento nga gipadad-an og show cause order, apan sa sunod nga pagtan-aw sa sitwasyon, nakumpirma nga misunod na kini sa kamanduan.
Nanawagan ang LGU sa publiko nga magmabinantayon ug ireport dayon ang bisan unsang gasoline station nga dili mosunod sa rollback aron maagapan ug maaksyunan sa gobyerno.
