Usa ka gasoline station sa Dakbayan sa Heneral Santos ang nadakpan ug nasita tungod sa sayong pagpatuman sa pagtaas sa presyo sa produktong petrolyo.
Matud ni Mayor Lorelie Pacquiao, gipasa na ang ngalan sa nasangpit nga kompanya sa Department of Energy aron makahatag og klaro nga pasabot kung ngano nahitabo ang maong sitwasyon.
Gipahimangnoan usab ni Mayor Pacquiao ang publiko ug mga negosyo nga dili abusaran ang kahimtang karon. Matud niya, kinahanglan nga adunay pag-sabot ug pagtinabangay sa panahon sa krisis aron masiguro nga patas ang distribusyon sa produkto ug malikayan ang kalibog sa katawhan.
Padayon usab ang lokal nga administrasyon sa pagmamatikod sa presyo sa petrolyo ug sa pag-monitor sa tanang gas stations aron malikayan ang sobra nga pagpanghoard ug sayong pagtaas sa presyo nga makadaot sa mga motorista ug negosyo sa dakbayan.
