Andam si kanhi Presidente Rodrigo Duterte nga atubangon ang imbestigasyon sa International Criminal Court (ICC).
Gidasig usab sa kanhi Presidente ang international criminal court nga paspasan ang imbestigasyon kalabot sa crime against humanity complaint batok kaniya.
Matod niya kon makaanhi sa nasod ang mga representante sa ICC ugma sugdan dayon ang imbestigasyon.
Atol sa Quad Comm hearing karong adlawa, prangka nga niingon si Duterte nga wa siya mahadlok sa ICC.
Matod ni Duterte, kinahanglang magdali ang ICC kay basin og mamatay siya nga dili maimbestigahan ang kalabot sa giingong extra judicial killings nga nahitabo ubos sa iyang gipatuman nga war on drugs.
Gipasalig ni Duterte nga kung mapamatud-an sa ICC nga sad-an siya sa alegasyon sa krimen batok sa katawhan, andam siyang madugta sulod sa bilangguan.
Dili usab siya mahadlok nga moadto sa impyerno. Kini human dihang nangutana si Gabriela Partylist Rep. Arlene Brosas kon andam kini nga makig-alayon sa ICC.
