Eroplano sa Alaska nga may sakay na 10 katawo padayon nga gipangita

Gipangita pa sa mga awtoridad sa Alaska ang mga tripulante sa gamay nga komersyal nga eroplano nga nawala.

Ang Bering Air Caravan nga adunay siyam ka mga pasahero ug usa ka piloto gikan sa Unalakleet City paingon sa Nome City.
Ang duha ka siyudad kay 235 kilometros ang gilay-on sa kasadpang baybayon sa Norton Sound.

Matod sa volunteer fire department ni Nome, nakatawag ang piloto sa air traffic control sa Anchorage diin nagpaabot siya nga mahawan ang runway sa dili pa motugpa.

Ang US Coast Guard migamit na og C-130 nga ayroplano aron daling makit-an ang eroplano

Kini ang pinakaulahing aviation disaster incident diin niadtong Enero 30, usa ka US Army helicopter ug usa ka eroplano nga may sakay nga 67 ka mga tawo ang nagbangga duol sa Washington.