Tungod sa dakong kadaot nga nahitabo sa pipila ka dagkong establisimyento sa General Santos City sama sa City Hall, malls, ug uban pang pasilidad nga adunay dakong kontribusyon sa kita sa siyudad, gipasabot sa usa ka negosyante ang panginahanglan sa mas klaro ug paspas nga interbensyon gikan sa gobyerno.
Matud ni Ben Claudio, usa ka negosyante sa syudad ang epekto sa magnitude 7.8 nga linog nga miigo sa Gensan niadtong Hunyo 8, 2026 usa ka dakong hagit dili lamang sa imprastraktura kundili apil usab sa kalihukan sa ekonomiya sa siyudad.
Sumala niini, tungod kay daghan nga establisimyento ang naapektuhan, angayan nga tutukan sa gobyerno kung unsa ang unang mga lakang ug interbensyon nga kinahanglan ipatuman aron matabangan ang mga sektor nga apektado sa maong panghitabo.
Dugang ni Claudio, importante ang pagtinabangay sa pribado ug pampublikong sektor aron mapadali ang pagbangon sa ekonomiya sa General Santos City ug mabalik ang normal nga operasyon sa mga negosyo ug serbisyo. __ Ang pamahayag ni Ben Claudio, usa ka negosyante sa syudad
