Giawhag sa EcoWaste Coalition ang sunod nga Kongreso nga mopalabang og balaod nga hingpit nang magdili sa mga peligrosong kemikal sa mga school supplies ug ubang produkto sa kabataan.
Matod ni Aileen Lucero, National Coordinator sa toxics watchdog group, ilang gi-apelar ang duha ka balay sa 20th Congress nga iapil ang pagpatuman sa luwas ug dili makahilo nga mga produkto sa mga bata isip prayoridad.
Gisugyot nila ang usa ka balangkas nga balaod aron mapalig-on ang palisiya ug pasalig sa estado nga suportahan ang katungod sa mga bata nga mapanalipdan.
Base sa pagtuki sa grupo sa mga school supplies nga napalit sa mga tindahan sa mga dakbayan sa Caloocan, Makati, Mandaluyong, Manila, Pasay, Pasig, Quezon City, ug Taguig gamit ang X-Ray Fluorescence screening.
Napamatud-an nga kadaghanan sa mga gamit sa eskuylahan adunay mga kemikal nga makadaot sa kahimsog sa mga bata.
Sa partikular, ang tingga, usa ka kusgan nga neurotoxin, ug cadmium, usa ka substansiya nga hinungdan sa kanser.
