Balhog sa Abellana Police Station 2 ang 32-anyos nga lalaking rider human wala mauyoni ang iyang joke sa 18-anyos nga babaye nga nanuroy og sud-an sa Ma. Cristina, Barangay Capitol-Site, sa dakbayan Cebu.
Kahibaloang samtang nagparking sa iyang motorsiklo, ang suspek kay nagpaabot og booking, wala kini kasayoran nga misumbong na diay ang 18-anyos nga biktima sa kapulisan.
Sumala sa imbistigasyon nga naninda matud pa og sud-an ang maong dalaga ug gidool sa suspetsado aron mopalit og sud-an apan gipakapinan kini sa lalaki og istorya nga ‘tindera lang akong paliton Ma’am’ ug gidugangan pa sa mga pulong nga ‘Lami ang sud-an pero mas lami ang tindera’.
Alayon niini, giangkon sa suspetsado nga nakasulti siya sa maong mga pulong isip pagkombinsi sa iyang mga amigo nga mamalit og sud-an pang paniudto. Dugang sa suspetsado nga wala na motingog ang maong tindera human sa iyahang joke.
Apan nakurat nalang kini nga mibalik ang babaye ug duna nay kuyog nga pulis ug gilayon kining gipadakop gumikan sa iyahang pagbinastos. Kasong RA 11313 o “Safe Spaces Act o Bawal Bastos Law” ang gipasaka nga kaso sa maong rider.
