GENERAL SANTOS CITY– Gilusad sa Department of Tourism Region 12 ang labing unang accredited farm tourism site sa GenSan.
Matud pa ni Nelly Dillera sa exclusive interview sa Bombo Radyo GenSan nga kini mao ang Felicidad Orchard nga makit-an sa Katangawan ning syudad.
Ang usa ka dapit aron makonsidera nga usa ka accredited farm tourism site ang angayang adunay touristic value.
Nagpasabot kini nga daghan ang makat-unan sa usa ka lugar og mahimong destinasyon sa mga turista nga pwede nga makakaon, magharvest sa produkto og may laing mga kalingawan nga sarang nga makaagni og turista.
Gikadugang pa ni Dillera nga ang Felicidad Orchard ilang napili gumikan may pinasahe nga maadtuan ang mga turista dili lamang ang mga agricultural products apan adunay giimbento nga windmill nga maoy nakatabang aron may makuhaan og tubig.
Ang maong windmilll ang dili sama sa nakit-an sa Ilocos Region apan lahi ang maong imbensyon nga nakaangkon og pasidungog gikan sa Geneva, Switzerland.
Ang tag-iya sa Felicidad Orchard mao si Capt Bong Reamon.
Ang paglusad sa labing unang accredited farm tourism site sa GenSan ang gitambungan mismo ni Tourism Under Bong Benzon.
