Hugtanong gipanghimakak ni Department of the Interior and Local Government Secretary Jonvic Remulla nga adunay upat ka tag-as nga opisyal sa gobyerno ang nagplano para ipadakop si kanhi Pangulong Duterte.
Sa pagdungog sa Senate Committee on Foreign Relations, gipakita ang usa ka interview kang Remulla sa usa ka news personality kaniadtong Marso 13, kung asa napangutana si Remulla kung siya ang nagpaluyo sa pagpadakop kang Duterte.
Gibutyag ni Remulla nga walay pagplano bag-o niadtong adlaw nga gidakop si Duterte bisag gibutyag niya sa usa ka interview nga sila nila Pangulong Ferdinand Marcos Jr., National Security Council Adviser Eduardo Año, og Defense Secretary Gilbert Teodoro ang nag-group effort o nagplano sa migawas ang arrest warrant batok kang Duterte.
Gihingusgan ni Remulla, niadtong Marso 10 sila nag-istorya og ang ilang nahisgotan ang chismis lamang kalabotan sa pahayag ni Duterte mismo samtang anaa sa Hong kong nga may pagawas na nga arrest warrant batok kaniya kung asa migawas usab niadtong Marso 11 sa kaadlawon.
