Gipasalig sa Department of Foreign Affairs ang padayon nga pagtutok niini sa nagkakusog nga mga protesta nga may kalabotan sa imigrasyon sa US, diin daghang mga nagprotesta ang gidakop sa mga awtoridad.
Matod ni DFA Assistant Secretary for Migrant Workers Affairs Robert Ferrer Jr., gimonitor sa gobyerno sa Pilipinas ang sitwasyon sa mga Filipino sa US, samtang nagpadayon ang kaylap nga mga protesta.
Sa samang higayon, gipahinumdoman usab ang mga Filipino nga nakabase sa US nga dili moapil sa nagpadayon nga mga protesta, taliwala sa gipakusog nga mga pag-atake sa mga awtoridad sa US ug sa katapusan nga pagdakop sa pipila nga miapil niini.
Matod niya nga sa pagkakaron, walay Filipino o Fil-Ams sa mga dinakpan, samtang sayo silang gipasidan-an sukad nagsugod ang mga demonstrasyon sa nagkadaiyang dapit sa US.
Matod niya higpit nga gipatuman karon ang curfew, ilabina sa Los Angeles diin gipahigayon ang labing dakong protesta.
Siya miingon nga ang mga miyembro sa Los Angeles Police District, National Guard, ug mga miyembro sa US Marines gi-deploy aron magbantay batok sa mga lungsuranon, migrante, ug mga imigrante nga mosulay sa paghimo og mga demonstrasyon.
Matud pa usab niya nga sa pagkakaron, walay natumbok nga Pinoy nga na-deport tungod sa ilang pagkalambigit sa lapad nga mga protesta.
Matod ni Asec. Ferrer, girespeto sa gobyerno sa Pilipinas ang desisyon sa gobyerno sa US bahin sa mga protesta nga may kalabotan sa imigrasyon.
Matod niya nga hugtan usab sa Pilipinas ang pagpatuman sa balaod, kung adunay susamang protesta dinhi sa nasud nga maglambigit sa mga langyaw.
