Gitawag ni kanhi US President Donald Trump nga “dili patas” ang hukom nga sad-an siya sa mga kaso nga iyang giatubang.
Gidugang pa niini nga wala sila tugoti nga mogamit sa mga election expert ug bisan ang ilang mga saksi giinitan pa ni Judge Juan Merchan.
Gisaway usab niini si Judge Merchan kinsa niingon nga nagpakaaron-ingnon siya nga anghel sa gawas apan ang tinuod, demonyo matud pa.
Gitawag pa niya nga “conflicted” ang huwes tungod sa pagbutang og gag order kaniya aron dili na siya makasulti bahin sa mga kaso nga iyang giatubang.
Kahinumduman nga ang kanhi presidente napamatud-ang sad-an sa 34 ka felony counts tungod sa pagpalsipika sa ilang business records.
Ang nasangpit nga kaso nitumaw tungod iyang gibayran og $130,000 ang usa ka adult star nga si Stormy Daniels aron magpakahilom sa ilang relasyon.
