Nisaka na ngadto sa 38 ang ihap sa mga nangamatay tungod sa bag-ohay lang nga habagat ug mga bagyo, base kana sa datus gikan sa National Disaster Risk Reduction Management Council (NDDRMC).
Sumala sa NDRRMC, tulo niini nga ihap ang kompirmadong nailhan na samtang ang uban ang ipailawom pa sa verification.
Dugang pa niini nga nisaka usab ngadto sa 33 ang ihap sa mga missing, diin 24 niini ang na-validate na samtang ang uban anaa pa sa verification.
Base usab sa datus sa NDRRMC, walo pa ka mga tao ang gikatahong missing ug padayon pang gipangita sa mga otoridad.
Samtang, ang kinatibuk-ang ihap sa mga grabeng naapektuhan sa bag-ohay nga mga kalamidad nikabat na sa 8.5 milyon ka indibidwal o maitandi sa 2.3 milyon ka pamilya.
Gikan sa 24,771 ka pamilya o 91,006 ka indibidwal ang nagpabilin sa 839 ka evacuation centers sa tibuok nasod samtang 32,320 ka pamilya o 123,624 ka indibidwal ang anaa sa gawas sa evacuation centers nga gihatagan usab ug inisyal nga tabang sa mga awtoridad.