Damyos sa mga eskwelahan sa Davao Oriental double linog, nagkantidad og kapin sa P2B

Nisaka ngadto sa kapin sa P2.2 bilyones ang gibanabanang kantidad sa kadaot sa mga tunghaan human sa magnitude 7.4 ug 6.9 nga linog nga miigo sa Manay, Davao Oriental niadtong Biyernes, Oktubre 10.

Matod sa Department of Education, moabot ngadto sa 575 ka mga tunghaan ang naguba gikan sa 947 ka tunghaan sa nahisgutang lugar.

Nagpadayon pa ang “rapid visual assessment” sa epekto sa kusog nga linog aron matun-an ang integridad sa mga edipisyo.

Samtang, mokabat sa 89,691 ka mga estudyante ug 8,324 ka mga magtutudlo ang naapektuhan sa linog.

Mokabat sa 137 ka estudyante ug 49 ka magtutudlo ang naangol sa maong insidente.