GENERAL SANTOS CITY – Daghang mga negosyante ang nalugi sa pagpagawas og kamanduan ni Pangulong Rodrigo Duterte kalabutan sa price ceiling sa produktong baboy.
Matud pa kang Clint Edward Ang, presidente sa South Cotabato Swine Producers Association (SOCOSPA) nga kini gumikan kalit ang desisyon ni Pangulong Duterte.
Sa iyang pamahayag nga sa pag-abot sa gikompra nga baboy gikan sa Mindanao mao usab ang pagpatuman sa price cap.
Gibutyag nga wait and see karon ang mga negosyante sa Luzon kung unsa ang mahitabo sa presyo sa karneng baboy .
Kahibaluan nga gamay lang ang gabaligya sa karneng baboy sa kauluhan nga ang uban ang nagpatuman og pork holiday.
Rason sa mga gabaligya nga mahal ang ilang palit apan barato ang produkto hinungdan nga lugi sa negosyo.
Tungod niini daghang supply sa baboy sa GenSa kung asa gamonitor usab ang mga hog raisers kung unsa ang sitwasyon sa kauluhan.
