GENERAL SANTOS CITY -Mialma ang daghang mga negosyante sa unang adlaw sa One Stop Shop sa renewal sa business permits kagahapong adlawa.
Kini gumikan daghan sa mga duol nga mga barangay ang ulahi nang mitungha hinungdan nga daghan ang nadelatar sa pagkumpleto sa ilang mga rekositos sama sa barangay clearance.
Ug gani, bisan ang labaw sa Business Permits and Licenses Division nga si Geraldine Zamora ang miinit ang ulo tungod niini. Sumala pa nga nahibulong siya tungod una nang napahibalo ug napahinumduman ang mga taga-barangay.
Samtang, giangkon ni Zamora nga medyo nagapangapa pa sila ning higayuna gumikan sa bag-ong sistema nga gipatuman.
Nasayran nga kapin sa 12,000 ka mga business permits ang gilauman nga ma-isyu sa BPLD karong tuiga.
Gikabutyag nga 11,000 ka mga business permit ang ilang na-isyu sa miaging tuig.
Samtang, able ang One Top Shop bisag adlaw’ng Sabado ug Dominggo. Kahibaluan nga walay extension ang renewal sa business permit, ug hangtod sa Enero 20 lang sa alas 12:00 sa tungang gabii
