GENERAL SANTOS CITY – Wala nasayod ang mga Pinoy workers sa Hong Kong kung kanus-a mahuman ang ilang kalbaryo tungod sa lihok protesta nga mas miinit pa ang tensyon.
Matud kang Bombo International Correspondent Leah Almazan, daghan matud pang naka-schedule nga mas grabe pang rally nga himuon sa mga anti-government protesters.
Una niini, gipahimangnuan ang mga overseas Filipino Workers(OFW) sa consulate kabahin niini og gireport usab sa mga news agency sa Hong Kong hinungdan nga kinahanglang likayan ang mga lugar nga adunay natigayong kasamok.
Sa pakighinabi sa Bombo Radyo GenSan, gibutyag sa Pinay nga kamatikdan usab matud pa nga apektado karon ang turismo sa Hong Kong tungod gihapon sa halapad nga pag-alsa.
Sa pamahayag pa sa nasampit nga daghan usab mga promo og sale karon sa Hong Kong tungod daghang mga establisiemento og mga tindahan ang nagsirado nga ang uban nagdeklara og bankruptcy.
