GENSAN – Dili uyon si Rep. Shirlyn Bañas sa Lone district sa siyudad sa General Santos, sa mga sugyot nga mag-usab sa ngalan sa General Santos City Airport, ilabina nga anaa na kini sa sakop sa usa ka presidential proclamation.
Matod ni Bañas, ang pagproklama sa tugpahanan isip General Santos City Airport resulta sa dugay nga paningkamot ug sakripisyo sa daghang mga opisyal ug pipila ka sektor sa siyudad aron makab-ot ang damgo nga adunay kaugalingong international airport ang Gensan.
Busa, giingon niya nga dako ang kahulugan sa ngalan niini tungod kay naglangkob kini sa kasaysayan, ilhanan, ug paningkamot sa katawhan sa siyudad.
Apan bisan pa niini, gibutyag ni Congresswoman Bañas nga abli siya sa bisan unsang tabang gikan sa iyang mga kaubanang magbabalaod nga nagtumong sa ikalambo pa sa Airport.
Matod niya, mas importante ang pagpalig-on sa mga pasilidad, serbisyo, ug operasyon sa airport kaysa pag-usab sa ngalan niini
