Gipanghimakak sa tigpamaba sa Philippine Coast Guard (PCG) spokesperson for the West Philippine Sea (WPS) Commodore Jay Tarriela kalabutan sa balita nga gi-tow matod pa sa China Coast Guard sa Philippine vessel sa Ayungin shoal.
Sumala sa opisyal nga ang mga claims nga dili makatarunganon ug wala usab namonitor ang PCG sa Ayungin Shoal. Posible matod pa nga daan nga video ug litrato ang gipagawas o nag circulate karon sa social media.
Wala usab niya masayri kon unsa ang motibo sa China Coast Guard sa pagpagawas sa mga daan nga video.
Dako ang pagtoo ni Commodore Tarriela nga usa ka fake news na usab ang gipakatag sa China Coast Guard aron mapugngan ang baruganan sa nasud sa posisyon niini sa WPS.
Kahinumduman, nga ang Ayungin Shoal dugay na nga na-angkla sa karaang barko sa BRP Sierra Madre, nga nagsilbing outpost sa nasud aron ipanghimatuud ang soberanya sa West Philippine Sea. Diin ang resupply mission nagpadayon alang sa mga tropa sa nasud nga gi-deploy sa maong lugar.
