Gikatakdang hatagan og hero’s welcome si Coach Allen Aldrin “Coach Aldrin” Castañeda, ang nagsilbi nga coach ni Paris Olympics golden medalist Carlos Yulo.
Giplano na sa Cebu City ang bonggang pagsugat sa maong coach isip pag-ila sa iyang nahimong kontribusyon aron mahimo ni Yulo ang duha ka sunod sunod nga golden performance.
Bisag wala pay kasigurohan kung kanus-a mobalik sa iyang hometown si coach Castañeda, giandam na matod pa sa LGU ang ihatag nga pag-ila.
Gawas sa Cebu City, nag-andam usab og bonggang pagsugat ang Barangay Hippodromo kung asa nagagikan si Castañeda.
Samtang, dungan sa insentibong madawat ni Carlos Yulo sa iyang duha ka golden performance gikan sa gobyerno, makadawat usab si Castañeda og 50% o katunga sa mga madawat niini.
Ang duha ka gold medal ni Yulo bugti og P20 million.
Buot pasabot P10 million ang madawat ni Castañeda gikan sa gobyerno.
