Naangkon ni Carlos Yulo ang unang bulawang medalya sa Pilipinas sa 20th Asian Games human siya mahimong kampeon sa men’s floor exercise final niining Huwebes sa Nagoya City General Gymnasium.
Nagtala si Yulo og 14.666 points aron makuha ang gold medal, samtang silver medalist si Milad Karimi sa Kazakhstan ug bronze medalist si Shoma Tsukiyama sa Japan.
Nagtala usab og 12.223 points ang iyang manghod nga si Karl Eldrew Yulo ug nahimutang sa ikapito nga pwesto sa iyang debut sa Asian Games.
Kini ang unang gold medal sa Pilipinas sa artistic gymnastics sa Asian Games ug usa na usab ka dakong kalampusan alang kang Yulo, human siya nakadaog og duha ka gold medal sa 2024 Paris Olympics.
Aduna pa siyay higayon nga madugangan ang iyang mga medalya sa finals sa vault ug parallel bars sa Setyembre 25.
