Malampuson nga nag-debut sa senior continental stage si Filipino weightlifter Albert Ian Delos Santos human makadaog og bronze medal sa men’s 70-kilogram weightlifting event sa 2026 Asian Games nga gihimo sa Nagoya City Trade and Industry.
Nakabuhat si Delos Santos og 183 kilograms sa clean and jerk sa iyang ikatulong pagsulay, nga nahimong bag-ong junior world ug Asian record.
Nalabwan niini ang iyang kanhing rekord nga 180 kilograms human una niyang maalsa ang 181 kilograms sa ikaduhang pagsulay.
Sa snatch, nakatala siya og 141 kilograms, nga mipahimo sa iyang kinatibuk-an nga 324 kilograms ug nakahatag kaniya sa ikatulong puwesto.
Napildi ni Delos Santos si Uzbekistan’s Adkhamjon Ergasev nga natapos sa ikaupat nga puwesto nga adunay 318 kilograms, samtang nakuha ni North Korea’s Ri Wun Ju ang gold medal sa 349 kilograms ug silver medal usab alang sa host country bet nga si Masannori Miyamoto sa Japan nga adunay 342 kilograms.
Kini ang unang pagsalmot sa Asian Games ni Delos Santos ug nahimo niyang mas bililhon ang iyang bronze medal pinaagi sa bag-ong junior world ug Asian record sa clean and jerk.
