City Vet, gipapha ang kabalaka sa mga residente sa dakbayan human manguna ang Gensan sa may labing daghang natala nga kaso sa rabies sa tibuok nasud
GENERAL SANTOS CITY – Gipapha sa City Veterinary Office ang kabalaka sa mga residente dinhi sa dakbayan human manguna ang Gensan sa may labing daghang natala nga kaso sa rabies sa tibuok nasud nga miabot sa 23, sa city category gikan Enero hangtod Agosto.
Giklaro ni Mahali Laurente rabies program coordinator sa City Veterninary Office, nagpasabot lamang kini nga mas aware ug na-edukar na ang katawhan sa dakbayan kalabot sa rabies, gumikan gilayong gadiretso sa mga ospital ug magpabakuna kon mapaakan sa iro, ug ginadala sa laboratory kon mamatay ang iro, hinungdan nga na-account kon naihap.
Samtang, gitambagan ni Laurente ang publiko nga kon mapakaan ug iro, angayang hugasan gilayon sa gaagas nga tubig sulod sa 15 minutos, gamitan ug isog nga sabon, dayon magpabakuna ug anti-rabies, inay nga nudnuran ug ahos o kaha magpatandok.
Samtang, angayan matud pang higtan ug obserbaran ang iro nga nakapaak, nga kon mamatay matud pa paglabay sa 10 ngadto sa 14 ka adlaw, nagpasabot nga rabid kon may rabies kini.
Nasayran nga kon mu-epekto na ang rabies sa lawas sa tawo ug makita na ang mga sintomas, wala nay tambal ug magresulta na gayud kini sa kamatayon.
