Gisubli sa China ang pagsupak niini sa pagdeploy sa mga missile system sa Amerika sa Pilipinas.
Sa usa ka pamahayag, gibutyag sa tigpamaba sa Chinese Foreign Ministry nga si Lin Jian nga gitugotan lamang sa Pilipinas nga mograbe ang tensyon ug panagbangi sa Indo-Pacific Region kung tugotan niini ang deployment sa US missile system.
Matod niya nga ang maong lakang makapasamot gayud sa geopolitical tension sa rehiyon.
Giawhag sa opisyal sa China ang US ug Pilipinas nga tangtangon ang missile system sa US aron nga mamahimong abli ang rehiyon sa publiko.
Kahibaloan nga gi-deploy sa US ang Mid-Range Capability (MRC) missile system sa Northern Luzon kaniadtong sayong bahin sa Abril, 2024 isip bahin sa Salaknib Exercise 2024.
Ang maong missile system gigamit usab sa misunod nga Balikatan Exercises.
Luyo niini, ang Russia ug China kaniadto gisaway ang lakang ug nanawagan nga tangtangon kini, ug ibalik sa Amerika.
