CBCP nanawagan sa mga katoliko nga i-ampo alang si Papa Leo XIV

Nanawagan si Bishop Mylo Hubert Vergara, bise presidente sa Catholic Bishops’ Conference of the Philippines, sa mga matuuhon sa pag-ampo alang sa bag-ong napili nga Santo Papa sa Simbahang Katoliko, si Pope Leo XIV.

Sa pamahayag niadtong Biyernes, Mayo 9, si Bishop Vergara nagpasalamat sa Diyos sa paggiya sa mga cardinal sa pagpili og bag-ong Santo Papa.

Karong Biyernes sa buntag (oras sa Pilipinas) gipahibawo sa Vatican nga si United States (US) Cardinal Robert Francis Prevost maoy ika-267 nga Santo Papa sa Simbahang Katoliko human makita ang puti nga aso gikan sa chimney sa Sistine Chapel.