Nahuman ang tennis career ni British tennis star Andy Murray human nga mapakyas sa men’s doubles sa Paris Olympics.
Kini gumikan human nga mag-withdraw sa singles match nagdesisyon ang 37-anyos nga magdula sa doubles aron irepresenta ang iyang nasud.
Kauban niya sa doubles si Dan Evans apan gipildi sila ni Taylor Fritz og Tommy Paul sa US sa score nga 6-2, 6-4 sa quarterfinals rounds.
Human ang dula nakaangkon og standing ovation sa Court Suzanne-Lenglen isip pag-ila kang Murray.
Midaug og gold medal si Murray kaniadtong 2012 og 2016 Olympics ingon usab silver medal sa mixed doubles kaniadtong 2012.
Tuig 2012 dihang gipildi niya si Roger Federer sa Olympic finals og human ang usa ka tuig nagkampeon kini sa US Open.
Kahinumduman nga nagdesisyon si Murray nga magretiro na pagkahuman sa Olympics tungod sa mga injury nga iyang naangkon kung asa niadtong 2019 nagpa-opera na kini sa iyang beywang.
