Gibutang sa full alert status o Code Red ang Bureau of Fire Protection (BFP) gikan Mayo 9 hangtod 13 isip kabahin sa pagpangandam sa 2025 Midterm Elections.
Atol sa press briefing sa buhatan sa DILG, si BFP Spokesperson FSSupt. Annalee Carbajal-Atienza, anaa sa 32,000 ka BFP personnel ang naka-standby sa polling precincts sa tibuok nasud. Ubos sa red alert, walay personnel ang naka-leave, ug nagpadayon usab ang inspeksyon sa mga voting center alang sa fire safety compliance.
Samtang, ang Philippine National Police (PNP) padayong nagpalig-on sa seguridad isip suporta sa luwas ug hapsay nga eleksyon. Gibisita ni PNP Chief Gen. Rommel Francisco Marbil sa mga kampo sa Police Regional Office 4A sa Calamba ug PRO 5 sa Legazpi aron personal nga susihon ang kaandam sa kapolisan.
Gipresentar sa PRO 4A ang ilang komprehensibo nga plano sa seguridad sa eleksyon, lakip ang pre-election, adlaw sa eleksyon, ug mga kalihokan pagkahuman sa eleksyon. Gi-activate usab ang Special Task Group for the 2025 Elections, nga gilangkuban sa arrest, investigation, legal, ug quick reaction teams.
Gitataw ni Marbil nga walay gidapigan ang PNP ug padayong makig-alayon sa nagkalain-laing ahensya aron maseguro nga luwas ug hapsay ang eleksyon.
