Magsangka pag usab nila Filipina tennis sensation Alexandra “Alex” Eala ug Canadian star Leylah Fernandez sa Round of 16 sa Mubadala DC Open, pipila ka bulan human sa ilang unang panagtagbo sa Stuttgart Open.
Nakakuha og puwesto sa sunod nga hugna si Eala human sa iyang impresibong come-from-behind victory batok sa kanhing world No. 4 ug 2024 Paris Olympic gold medalist nga si Zheng Qinwen sa China.
Gipildi ni Eala si Zheng pinaagi sa iskor nga 4-6, 6-4, 6-1, diin nakabawi siya human mapildi sa unang set aron makuha ang kadaugan. Samtang, hapsay usab nga nakalusot si Fernandez sa opening round human niya pildihon ang Polish player nga si Magda Linette, 6-1, 6-4, sa WTA 500 tournament.
Kini ang ikaduhang higayon nga mag-atubang sila Eala ug Fernandez. Sa ilang unang panagtagbo niadtong Abril sa Stuttgart Open, ang Canadian tennis star maoy midaog, 6-1, 6-4.
Gilauman nga mahimong kulbahinam ang ilang sunod nga engkwentro samtang paningkamotan ni Eala nga makabawi batok kang Fernandez ug ipadayon ang iyang impresibong kampanya sa maong torneyo.
