Gibutyag ni Nenita Camposano, kanhi manager sa Land Bank Department of Education (DepEd) branch, nga pinaagi sa back room o fire exit gipagawas ni Edward Fajarda ang kwarta nga iyang gi-withdraw gikan sa bangko.
Matod ni Camposano, ibutang lamang ni Fajarda ang kwarta sa mga bag ug dili na kini hilabtan o susihon pa sa mga empleyado sa bangko sa higayon nga mahatag na kini kaniya.
Atol sa cross-examination, gipangutana ni defense counsel Atty. Michael Poa ang kanhing branch manager kung posible ba nga gihimo ang maong pamaagi alang sa seguridad ni Fajarda, ilabina kay mas duol ang back room sa opisina sa Department of Education (DepEd).
Ang maong testimonya kabahin sa nagpadayon nga pagdungog sa kaso diin gipresentar ang mga detalye sa pamaagi sa pagpagawas sa kuwarta gikan sa Land Bank.
