Gipasalig sa Philippine National Police nga ilang mas palig-onon ang paghatag og seguridad sa mga eskwelahan sa nasud.
Kini human hisguti ni Pangulong Ferdinand Marcos Jr. sa iyang ikalimang State of the Nation Address nga dugangan ang mga lakang aron masiguro ang kaluwasan sa mga eskwelahan sa tibuok nasud.
Matud ni PCol. Allen Rae Co, hepe sa PNP Public Information Office, mapasalamaton sila nga giila sa Pangulo ang ilang mga paningkamot sa pagbantay sa mga eskwelahan aron mapanalipdan ang mga estudyante.
Dugang pa niya, mas pakusgon pa sa PNP ang ilang mga operasyon ug pagbantay aron masiguro nga luwas ang palibot sa mga eskwelahan.
Kahinumdoman nga sa iyang SONA, gipadayag ni Pangulong Marcos nga adunay lig-on nga koordinasyon ang PNP ug Department of Education aron mapalig-on ang seguridad sa mga eskwelahan ug malikayan ang bisan unsang kriminalidad nga naglambigit sa mga estudyante.
