Sen. Sotto nagsang-at og sugyot balaodnon nga dili na pabuwisan ang mga mokita og P350,000 paubos matag tuig

Nagsang-at si Senate President Pro Tempore Vicente Sotto III og sugyot balaodnon nga magwagtang sa income tax alang sa mga empleyado nga adunay tinuig nga kita nga P350,000.

Ubos sa kasamtangang balaod, ang mga empleyado nga adunay P250,000 nga tinuig nga kita maoy exempted sa withholding tax.

Una nang gipadayag ni Pangulong Ferdinand Marcos Jr. sa iyang State of the Nation Address niadtong Lunes, Hulyo 27, nga kinahanglan ipasaka sa Kongreso ngadto sa P350,000 ang income threshold nga dili na sakop sa tax.

Gilangkob sa sugyot balaodnon ni Sotto nga gitawag og “Expanded Income Tax Exemption of 2026” nga ang mga trabahante nga mokita og P350,000 o ubos pa matag tuig dili na pagabayran og income tax sugod Enero 1, 2027.