Attention sa mga naay iro! Nakakuha sa atensyon ang kaso sa usa ka iro nga ginganlag Nuggi sa New Zealand, nga naluwas gikan sa iyang tag-iya sa Auckland kaniadtong Oktubre 2021.
Sa pag-abot niini sa Royal New Zealand Society for the Prevention of Cruelty to Animals, mitimbang kini ug 53.7 kilos ug ang iyang mga tiil dili na makadala sa gibug-aton sa iyang lawas.
Matud pa sa mga ni-rescue nga bisan diyes metros lang ang gilay-on sa lakwon sa iro, katulo nahagba si Nuggi kay naglisod na ug ginhawa.
Tungod sa kadaghan sa tambok sa lawas sa iro, ang mga doktor halos dili makamatikod sa pinitik sa kasingkasing, gawas sa suppuration sa conjunctivitis.
Aduna usab kini mga samad sa tiyan tungod kay gituohan nga kining bahina sa iyang lawas midapat sa yuta kay dili na kini makalihok.
Ngano kaha nahitabo ni? Base sa imbestigasyon, ang tag-iya mohatag niini og walo ngadto sa pulo ka buok nga kareng manok matag adlaw ug aduna pay biscuit alang sa iro.
Ang iro nagpaabot og duha ka buwan sa pagpangita ug rescue group kung asa nawala ang 8.9 kilos, apan sa kadugayan, namatay ang mananap tungod sa pagdugo.
Base sa necropsy, nakamugna kini og komplikasyon sa panglawas lakip na ang sakit sa atay.
Ang tag-iya giakusahan tungod sa sobrang pagpakaon ug niining semanaha, ang Korte sa Distrito sa Manukau nakahukom sa pagbayad ug $720, ug gisentensiyahan ug duha ka bulan nga pagkabilanggo.
Kini usa ka espesyal nga kaso sa New Zealand tungod kay ilang giluwas ang daghang kulang sa sustansya nga mga hayop, apan ang organisasyon nagpasidaan usab nga kini mahimo pa nga mosangpot sa kamatayon ug nga ang sobra nga pagpakaon sa mga hayop usa ka sala.
