Giingong adunay direktang komunikasyon sa Ginoo pinaagi sa cellphone ang usa ka pastor sa Zimbabwe nga si Paul Sanyangore, nga nahimong viral sa social media tungod sa iyang pamaagi sa pagwali niadtong 2017.
Sa nagviral nga video, makita si Sanyangore nga nag-ampo alang sa iyang mga miyembro samtang nagkupot og cellphone ug nagpakita nga nakigsulti siya sa Ginoo.
Matod sa pastor, mahimo siyang motawag sa Ginoo aron mangayo og giya ug mga instruksyon alang sa iyang ministeryo.
Gisaysay usab niya nga nadawat niya ang maong numero samtang nag-ampo, human madungog kuno niya ang usa ka tingog nga nagsugo kaniya sa pagtawag direkta.
Sa maong video, nakigsulti siya sa usa ka babaye ug miingon nga gisugo kuno siya sa langit nga iampo ang duha ka anak niini.
