Walay nakita nga negatibong aplikasyon sa pag legalize sa medical Marijuana sa North Carolina. Kahibaloan nga gipaboran sa Senado sa nahisgutang nasid ang pag-legalize sa Medical Marujuana sa bag-ohay lamang nga hunyo dos ning kasamtangang tuig pinaagi sa boto nga 35-10 aron hingpit na kini nga mahimong balaod.
Ang nahimong lakang naglakip sa North Carolina sa hanay sa lain pang 37 ka nasod sa Amerika nga nag legalize niini alang lamang sa Medical Use.
Matod ni Bombo International Correspondent Ralph Garay nga dugay usab ang proseso una na aproba ang balaod. Kahibaluan nga nakita usab sa Nort Carolina ang mga regulasyon sa mga kasikbit nga estado nga nag legalize na sa Medical Marijuana nga nahimong nagmalampuson luyo nga aduna kiniy kontobersyal nga bahin.
Dugang usab ni Pastor Garay, nga makita ang mga plantation sa medical marijuana og available usab kini sa mga pharmacy apan aduna kiniy klaro og striktong pamaagi nga e prescribe sa mga doktor ngadto sa mga pasyente nga nanginahangalan niini.
Gikabutyag nga adunay mga regulasyon susama sa severity of pain og age level sa pasyente ang mamahimong makaangkon sa medikasyon pinaagi sa medical marijuana.
Samtang pabor usab si Pastor Garay sa pag legalize sa medical marijuana sa Pilipinas gumikan alang kaniya adunay mga medikal nga basihan ang mga eksperto sa pag legalize niini, adunay mga regulasyon, og ang mahinungdanon mao nga mahimong makatabang gayod kini sa mga nanginahanglan nga adunay severe medical issues.
