GENERAL SANTOS CITY -Gihingusgan ni Atty. Luis Salazar, usa sa mga abogado sa dakbayan nga lisod nga pamatud-an sa korte ang mga alegasyon sa kamatayon ni Christine Dacera ang flight attendant nga napatay samtang nagpahigayon og party sa usa ka hotel sa Makati City.
Sa pamahayag ni Atty. Luis Salazar nga walay lig-ong ebedensya nga magpamatuod nga may kalambigitan ang mga kauban ni Dacera sa kamatayon sa maong flight stewardess.
Bisag sa isyu sa drugs lisod nga pamatud-an hinungdan nga gibasura sa piskalya ang reklamo.
Kahibaluan nga gibasura sa prosecutors ang kaso nga gipasaka sa pamilyang Dacera og ang mga reklamo usab sa kampo sa namatay nga flight stewardess.
Nasabtan usab ni Atty. Salazar ang habig sa pamilyang Dacera nga mangita og hustisya sa kamatayon sa ilang mahal sa kinabuhi.
Kahibaluan nga nag-file og counter charges ang mga giakusahan sa kamatayon ni Dacera apan gibasura usab sa piskalya.
Gituohan nga gibasura ang tanang kaso lakip sa pamilyang Dacera gumikan sila ang nawalaan sa mahal sa kinabuhi.
