-- ADVERTISEMENT --
Nagpakita og dakong determinasyon si Carlito Tocuator nga bisan kulang og usa ka tiil, miapil gihapon sa Dugong Bombo 2026 human sa 20 ka beses nga pagdonar og dugo sukad pa kaniadto.
Wala nahimong babag kang Tocuator ang iyang pisikal nga kahimtang aron makaapil sa bloodletting activity.
Si Tocuator, residente sa Lun Masla, Malapatan, Sarangani Province, miadto sa maong kalihokan pinaagi sa pagmaneho sa iyang top-down vehicle aron makadonar pag-usab og dugo.
Nahimo siyang inspirasyon nga bisan pa sa pisikal nga limitasyon, dili kini babag aron makatabang ug makapakita og malasakit sa isigkatawo.
