Gikatakdang pangunahan ni First Lady Liza Araneta-Marcos ang pag-host sa programa nga “Fostering the Future Together,” usa ka inisyatiba ni US First Lady Melania Trump sa Nobyembre 16, dungan sa ika-49 nga Association of Southeast Asian Nations o ASEAN Summit sa Manila.
Sumala kang Melania Trump, tumong sa programa nga mahiusa ang nagkadaiyang mga nasud sa paghatag og kahibalo, teknolohiya ug mga gikinahanglang kagamitan alang sa sunod nga henerasyon aron makatabang sa pagtukod og mas maayong kaugmaon.
Matod usab ni US Special Envoy for Best Future Generations Charity Wallace, gilauman nga motambong sa maong forum ang mga kapikas sa mga lider sa nagkadaiyang nasud sa rehiyon.
Pangunang hisgotan sa maong tigom ang mga lakang aron mapanalipdan ang mga kabataan batok sa nagkadaiyang peligro sa internet o online environment.
