Miatubang isip ikaupat nga testigo sa defense panel si Atty. Suzette Balucanag-Punay atol sa ika-42 nga adlaw sa impeachment trial batok kang Vice President Sara Duterte karong Miyerkules, Nobyembre 11.
Si Balucanag-Punay, nga nagserbisyo isip corporate counsel sa GenCorp Industries, Inc. ug Metro City Chow Foods Corp., mitestigo aron pamatud-an nga dili stockholder, opisyal o direktor sa maong duha ka kompanya ang Bise Presidente.
Gibalhin ang orihinal niyang iskedyul sa pagtestigo niadtong Lunes, Nobyembre 9, human siya adunay una nang nakatakdang MRI procedure.
Pormal nga gisugdan ang pagdungog ubos sa pagpanguna ni Senator-Judge Pia Cayetano nga nangulo sa opeing prayer.
Gipahibalo usab ang presensya sa 13 ka senator-judges nga nagtuman sa quorum sa impeachment court.
Sa wala pa siya mitestigo, nauna nang miatubang sa witness stand ang ubang mga personalidad isip mga saksi sa depensa sa miaging mga adlaw.
Kahinumdoman nga gisaway sa pipila ka senator-judges ang mga naunang testigo tungod sa ilang kapakyasan sa paghatag og diretso nga tubag sa pipila ka importanteng pangutana nga may kalabotan sa impeachment case.
