Duha ka lalaki, nadakpan human gidunggab ang 22-anyos nga estudyante sa Tupi, South Cotabato

Nasikop sa kapulisan ang duha ka lalaki human gidunggab ang usa ka 22-anyos nga estudyante sa Purok 12, Barangay Poblacion, Tupi, South Cotabato pasado alas-10:50 sa gabii niadtong Nobyembre 7.

Giila ang biktima nga si Roter Jade Pojeda Khajar, residente sa maong lugar, nga nakaangkon og samad sa ‘wala’ nga bahin sa iyang lawas.

Ang mga suspetsado giila nga sila si Jerson Gatao Cuarte, 31-anyos, taga-Polomolok, ug John Angelo Gatao Cereso, 22-anyos, taga-Tacurong City, Sultan Kudarat.

Kustodiya na karon sa kapulisan ang duha ka suspetsado samtang nagpadayon ang imbestigasyon sa maong insidente.