Gihangyo sa 20 ka senador si Presidente Ferdinand Marcos Jr. nga ideklarang calamity areas ang mga lugar nga posibleng maapektuhan sa Super El Niño aron mapadali ang pagtubag sa gobyerno sa grabeng hulaw.
Gilakip kini sa Proposed Senate Resolution No. 765, kasunod sa pasidaan sa PAGASA bahin sa nagpatigbabaw nga Very Strong El Niño sa Tropical Pacific.
Base sa report sa PAGASA niadtong Nobyembre 4, gilauman nga magpadayon ang maong weather phenomenon hangtod sa unang bahin sa 2027 ug posibleng moabot sa pinakalig-on nga lebel sa dili pa matapos ang 2026.
Gipasidan-an usab ang posibleng kakulang sa ulan nga mahimong hinungdan sa dry spell ug hulaw, nga makaapekto sa suplay sa tubig, agrikultura, produksyon sa kuryente ug panginabuhian sa mga mag-uuma.
Pinaagi sa resolusyon, giawhag sa mga senador ang administrasyon nga sayo nang magpatuman og mga lakang aron mapanalipdan ang mga komunidad ug sektor nga posibleng maapektuhan sa Super El Niño.
