Giklaro sa New Quezon City Jail nga gitugotan lamang ang personal staff ni kanhi House Speaker Martin Romualdez nga magpabilin sa sulod sa iyang selda panahon sa visiting hours.
Matud ni Jail Warden Lourdes Pacion atol sa hearing sa Sandiganbayan, si Arvin de Guzman nalakip lamang sa opisyal nga listahan sa mga bisita ug gitugotan nga magpabilin gikan alas-8 sa buntag hangtod alas-5 sa hapon.
Gipangayo usab ni Pacion ang pasaylo sa korte human niya unang nasulti nga 24 oras nga gitugotan ang staff nga magpabilin tupad ni Romualdez.
Samtang, matud sa abogado ni Romualdez nga gihangyo nila ang BJMP nga tugotan si De Guzman sa pagtabang sa iyang medical needs tungod kay pamilyar kini sa iyang mga tambal ug panglawas.
Nagkapreso karon si Romualdez tungod sa giatubang nga kasong plunder nga mokabat sa P7.4 bilyon kalabot sa giingong kickback scheme sa mga proyekto sa flood control, uban ang tulo pa ka indibidwal.
