Wala nay laing angay buhaton kondili ang pagtahod ug pagtuman sa desisyon sa Supreme Court nga nagdeklarar nga constitutional ang pagpalugway sa termino sa mga barangay ug Sangguniang Kabataan (SK) officials hangtod 2028.
Kini ang gipasiugda ni Retired Judge Lorenzo Balo, kinsa miingon nga bisan pa adunay mga dili mouyon sa maong desisyon, kinahanglan gihapon kining sundon tungod kay nakadesisyon na ang pinakataas nga korte sa nasud.
Gihisgotan usab ni Balo ang petisyon ni Election Lawyer Atty. Romulo Macalintal ug ang posibilidad nga adunay laing grupo nga mosulay sa pagpasaka og petisyon batok sa maong desisyon.
Apan sumala kaniya, wala nay laing legal nga remedyo nga mahimong dangpanan human ideklarar sa Supreme Court nga constitutional ang pagpalugway sa termino.
Gipunting usab niya nga ang desisyon sa Korte Suprema kinahanglan respetuhon bisan pa man kon adunay dili mouyon sa ilang paghukom
